БАГЪОДЗИЙЫ ХУЫНД ФÆУЫН

БАГЪОДЗИЙЫ ХУЫНД ФÆУЫН
Æнæбары, мæгуыр фынгмæ искæй фæхонын.
Багъодзи уыд уæларвон тыхтæй адæмы 'хсæн хонæг.
Иухатт Уастырджы фæхуыдта Чырыстийы. Уый йыл хорз бацин кодта. Уый фæстæ, Чырыстийы бон, Чырысти кадæн Уастырджимæ хонæг фервыста Багъодзийы. Чырысти дæр ыл хорз баузæлыд. Уастырджийæн карз нозтæй æгæр антыст æмæ куыд фæстагмæ Чырыстийæ ахъазынмæ æрхъавыд. Уæрыччы стджытæ ратил-батил систа, зæгъгæ, ацы хæдмæл цы аргæвстай, мæ кусæрттагау дæ кусæрттаг нард цæмæннæ у.
Æмæ мæ уæлибыхтау фæлмæн цыхтæй цæмæннæ уыдысты дæ уæлибыхтæ? Цæмæн дын уыдысты хъæбæр цыхтæй?! – сабыр æм дзуры Чырысти.
Ацы ныхас Уастырджимæ хъыг фæкаст æмæ йæ маст скалдта:
Уæд та, боны фæстагмæ, æз дæуау хæдмæлхор дæн? (Чырыстийы бонты фос мæллæг вæййынц).
Ацы ныхас нæ ныббарста Чырысти дæр:
Æмæ æз дæуау чъыссæтæ хæссын мæ фынгмæ (ома хъæбæр цыхтæй чъиритæ).
Афтæмæй рахыл сты. Уастырджи алыгъд тæргай. Дыккаг бон Багъодзимæ фæсидт æмæ йæ бафæдзæхста: «Ахæм фынгмæ мæ куыд никуыуал фæхонай. Уæдæй фæстæмæ Уастырджимæ ма-иу исчи хонæг куы бацыд, уæд-иу ын загъта: «Ды дæр та мæ Багъодзиаг хуынд ма фæкæн».
Ацы хуынды хабар цыма уæларвонтæй æрцыд адæммæ.

Фразеологический словарь иронского диалекта. - Цхинвал:, Полиграфическое производственное объединение РЮО, 2-е дополненное издание. . .

Игры ⚽ Поможем сделать НИР

Поделиться ссылкой на выделенное

Прямая ссылка:
Нажмите правой клавишей мыши и выберите «Копировать ссылку»